ബിരിയാണിയിൽ പല്ലിവാൽ

ആറ്റിങ്ങൽ: സ്കൂൾ വിദ്യാർത്ഥിക്ക് നൽകിയ ബിരിയാണിയിൽ പല്ലിയുടെ വാൽ കണ്ടെത്തിയതിനെത്തുടർന്ന് നാട്ടുകാരും മുൻസിപ്പാലിറ്റിയും ചേർന്ന് ഹോട്ടൽ പൂട്ടിച്ചു. ആറ്റിങ്ങൽ കിഴക്കേ നാലുമുക്കിലെ അൽ രാജ് എന്ന ഹോട്ടലിൽ ഇന്നലെ വൈകിട്ടായിരുന്നു സംഭവം. ബിരിയാണിയിൽ പല്ലി വാൽ കണ്ടെങ്കിലും വിദ്യാർത്ഥിയായതിനാൽ പ്രശ്നം ആരുമറിയാതെ ഒതുക്കാനായിരുന്നു ഹോട്ടൽ അധികൃതരുടെ നീക്കം. എന്നാൽ തൊട്ടടുത്തിരുന്ന ഓട്ടോ ഡ്രൈവർമാർ ഇത് പൊലീസിനേയും മുൻസിപ്പാലിറ്റി അധികൃതരേയും അറിയിക്കുകയായിരുന്നു. അധികൃതരെത്തി ഹോട്ടൽ പൂട്ടിച്ചു. നേരത്തെ ഭക്ഷ്യസുരക്ഷാ അധികൃതർ പൂട്ടിച്ച ഹോട്ടലാണ് രണ്ടാമതും തുറന്ന ശേഷം പല്ലി വാൽ കണ്ടെത്തുന്നത്. 
Source:http://news.keralakaumudi.com