കുറവിലങ്ങാട്: പൊട്ടിക്കാത്ത മില്‍മ പാക്കറ്റില്‍ ഈച്ചയെ കണ്ടെത്തി. പകലോമറ്റം പാലമറ്റത്തില്‍ ടോമിക്കാണ് കുര്യത്ത് പ്രവര്‍ത്തിക്കുന്ന കടയില്‍നിന്ന് വാങ്ങിയ പാക്കറ്റ് പാലില്‍ ഈച്ചയെ ലഭിച്ചത്. പാക്കറ്റ് ടോമി കടയില്‍ തിരികെ ഏല്‍പ്പിച്ച് കൂടല്ലൂര്‍ ഹെല്‍ത്ത് ഇന്‍സ്പെക്ടറെ വിവരം അറിയിച്ചു. ഹെല്‍ത്ത് ഇന്‍സ്പെക്ടറുടെ നേതൃത്വത്തിലുള്ള സംഘം കടയില്‍ എത്തി പാക്കറ്റ് പാല്‍ പിടിച്ചെടുത്തു. തിങ്കളാഴ്ച രാവിലെയാണ് ടോമി കടയില്‍നിന്ന് പാല്‍ വാങ്ങിയത്. വീട്ടിലെത്തി പാക്കറ്റ് പൊട്ടിക്കാന്‍ ശ്രമിക്കുമ്പോഴാണ് ഈച്ചയെ കണ്ടത്. സംഭവത്തെ തുടര്‍ന്ന് രാവിലെ 11ന് മില്‍മയുടെ വാഹനം കടയില്‍ പാല്‍ ഇറക്കാന്‍ വന്നെങ്കിലും ഉടമസ്ഥര്‍ പാല്‍ എടുക്കാതെ തിരിച്ചയച്ചു. നാട്ടുകാരും വാഹനത്തില്‍നിന്ന് പാല്‍ ഇറക്കാന്‍ സമ്മതിച്ചില്ല. ഈച്ചയെ കണ്ടെത്തിയ പാല്‍ പാക്കറ്റ് ഹെല്‍ത്ത് വിഭാഗം പാലാ ഫുഡ് ഇന്‍സ്പെക്ടര്‍ക്ക് കൈമാറും. തുടര്‍ന്നാവും മറ്റ് നടപടികള്‍. മില്‍മയുടെ ഈ ബാച്ചിലെ മുഴുവന്‍ പാലും പിന്‍വലിക്കാന്‍ നിര്‍ദേശം നല്‍കിയതായി ഫുഡ് സേഫ്റ്റി ഓഫിസര്‍ അറിയിച്ചു.
Source:http://www.madhyamam.com
No comments:
Post a Comment